2Ch 13 | Ndebele | STEP | Ngomnyaka wetshumi lesificaminwembili wenkosi uJerobhowamu uAbhiya wasesiba yinkosi phezu kukaJuda .

2 Chronicles 13

Ukubusa kukaAbhiya

1 Ngomnyaka wetshumi lesificaminwembili wenkosi uJerobhowamu uAbhiya wasesiba yinkosi phezu kukaJuda ^a. 2 Wabusa iminyaka emithathu eJerusalema. Lebizo likanina lalinguMikhaya indodakazi kaUriyeli ^b weGibeya ^c. Kwasekusiba khona impi phakathi kukaAbhiya loJerobhowamu ^d. 3 UAbhiya wasehlela impi elebutho lamaqhawe empi, amadoda akhethiweyo azinkulungwane ezingamakhulu amane. UJerobhowamu wasehlela impi ukumelana laye elamadoda akhethiweyo azinkulungwane ezingamakhulu ayisificaminwembili, amaqhawe alamandla ^e.

4 UAbhiya wasesima entabeni iZemarayimi ^f esentabeni yakoEfrayimi ^g wathi: Ngizwa Jerobhowamu, loIsrayeli wonke! 5 Kakusikwenu yini ukwazi ukuthi iNkosi uNkulunkulu kaIsrayeli yanika uDavida umbuso phezu kukaIsrayeli phakade ^h, kuye lakumadodana akhe ngesivumelwano setshwayi ⁱ? 6 Kodwa uJerobhowamu indodana kaNebati, inceku kaSolomoni indodana kaDavida, wasukuma wavukela inkosi yakhe ^j. 7 Kwasekubuthana kuye abantu abayize ^k, abantwana bakaBheliyali ^l, baziqinisa ukumelana loRehobhowamu indodana kaSolomoni, uRehobhowamu esesengumfana njalo ebuthakathaka ngenhliziyo engemelane labo ^m. 8 Khathesi-ke lina lithi lizamelana lombuso weNkosi esandleni samadodana kaDavida ⁿ; futhi lilixuku elikhulu, kodwa lilamathole egolide ^o uJerobhowamu alenzela wona abe ngonkulunkulu. 9 Kalibaxotshanga yini abapristi beNkosi, amadodana kaAroni, lamaLevi, lazenzela abapristi njengezizwe zelizwe ^p? Loba ngubani ozegcwalisa isandla sakhe ngejongosi, ithole lenkomo, lezinqama eziyisikhombisa ^q uba ngumpristi wabangeyisibo onkulunkulu ^r. 10 Kodwa thina, iNkosi inguNkulunkulu wethu, kasiyidelanga; labapristi abayikhonzayo iNkosi bangamadodana kaAroni, lamaLevi asemsebenzini ^s. 11 Njalo bayahlabela iNkosi ikuseni ngekuseni lentambama ngentambama iminikelo yokutshiswa ^t lempepha elephunga elimnandi ^u; lokulungisa izinkwa etafuleni elihlambulukileyo ^{v
,} ^w, lokulumathisa uluthi lwesibane lwegolide lezibane zalo ^x kusihlwa ngakusihlwa ^y. Ngoba thina sigcina umlindo weNkosi uNkulunkulu wethu ^z, kodwa lina liyidelile. 12 Ngakho khangelani, uNkulunkulu ulathi eyinhloko, labapristi bakhe belempondo zokukhalisa ukuhlaba umkhosi bemelene lani ^aa. Bantwana bakoIsrayeli, lingalwi leNkosi, uNkulunkulu waboyihlo, ngoba kaliyikuphumelela ^ab.

13 Kodwa uJerobhowamu wayebhodise abacathameli ukuthi beze bengasemva kwabo. Ngakho babephambi kukaJuda, labacathameli bengemva kwabo ^ac. 14 Lapho uJuda ephenduka, khangela-ke, impi yayimelene labo ngaphambili langemuva; basebekhala eNkosini, labapristi bakhalisa izimpondo ^ad, 15 labantu bakoJuda bamemeza; kwasekusithi ekumemezeni kwabantu bakoJuda uNkulunkulu watshaya oJerobhowamu loIsrayeli wonke phambi kukaAbhiya loJuda ^ae. 16 Abantwana bakoIsrayeli basebebaleka phambi kobuso bukaJuda, uNkulunkulu wasebanikela esandleni sabo ^af. 17 UAbhiya labantu bakhe basebebatshaya ngokutshaya okukhulu; kwasekusiwa ababuleweyo koIsrayeli, amadoda akhethiweyo azinkulungwane ezingamakhulu amahlanu. 18 Ngokunjalo abantwana bakoIsrayeli bathotshiswa ngalesosikhathi, labantwana bakoJuda baba lamandla ngoba beyama eNkosini, uNkulunkulu waboyise ^ag. 19 UAbhiya wasexotshana loJerobhowamu, wathumba imizi kuye, iBhetheli lemizana yayo ^ah, leJeshana lemizana yayo, leEfroni lemizana yayo ^ai. 20 UJerobhowamu akabe esaba lamandla ensukwini zikaAbhiya ^aj. INkosi yasimtshaya ^ak, wafa ^al.

21 Kodwa uAbhiya waziqinisa, wazithathela abafazi abalitshumi lane, wazala amadodana angamatshumi amabili lambili, lamadodakazi alitshumi lesithupha ^am. 22 Ezinye-ke zezindaba zikaAbhiya, lezindlela zakhe, lamazwi akhe, kubhaliwe ezindabeni zomprofethi uIdo ^an.